М.Лхагвагэрэл Чөлөөт бөхийн ДАШТ-ий финалд шалгарлаа
Серби улсын Белград хотноо чөлөөт бөхийн насанд хүрэгчдийн ДАШТ энэ сарын 10-18-ны өдрүүдэд зохион байгуулагдаж байна.
Эрэгтэйчүүдийн 125 кг-ын жинд М.Лхагвагэрэл Гүржийн бөх Гено Петриашвилиг 4:2-оор ялж финалд шалгарлаа. Гено Петриашвили нь “Токио-2022” олимпын наадмын мөнгө, “Рио-2016” олимпын наадмын хүрэл медальт, 2017, 2018, 2019 оны дэлхийн аварга билээ.
М.Лхагвагэрэл өнөөдөр алтан медалийн төлөө олимп, дэлхийн аварга Туркийн Таха Ахгультай барилдана. Тэд Токиогийн олимпод хүрэл медалийн төлөө барилдаж Таха Акгуль 5:0-ээр хожиж байв.
М.Лхагвагэрэл Токиогийн олимпод шагналт V байр эзэлж, өнгөрсөн жилийн ДАШТ-ээс хүрэл медаль хүртсэн бөгөөд өнөө жилийн Үндэсний их баяр наадмаар улсын заан цолыг хүртээд буй юм.
Энэ удаагийн ДАШТ-д Монголын багаас ОУХМ Д.Отгонжаргал болон ДАШТ-д анх удаа зодоглосон Б.Хулан нар мөнгөн медаль хүртээд байгаа билээ.