2 мин

100 гаруй бизнесийг дампуурлаас аварсан "The Profit" шоуны тухай 5 БАРИМТ

Г.Сүрэн 2022.09.23

АНУ-ын CNBC телевизийн шилдэгт тооцогдох бизнесийн “The Profit” реалити шоу Азидаа анх удаа албан ёсны онцгой эрхтэйгээр “Central” телевизээр энэ сарын 24-өөс эхлэн монгол үзэгчдийн хүртээл болох гэж байна. Уг нэвтрүүлгийн тухай бид юуг мэдэх вэ?

#1 Хамгийн өндөр үзэлттэй бизнесийн реалити шоу

2013 онд анх цацагдсан цагаасаа хойш 9 жилийн турш 8 улирлын 116 дугаар цацагдаад буй уг шоу нэвтрүүлэг нь шилдэг бизнесийн нэвтрүүлгүүдийн жагсаалтуудад эхний гурван байрт заавал бичигдсээр иржээ. IMDb-д л гэхэд 8.3, google үзэгчдээс 93 хувийн үнэлгээ авчээ. Бизнесийн салбарынхан уг шоуг залуу энтрепренеруудын заавал үзэх цуврал хэмээн зөвлөдөг.

#2 9 жилийн хугацаанд 100 гаруй бизнесийг дампуурлаас аварсан

АНУ-ын уг шоу нэвтрүүлгийг нэрт хөрөнгө оруулагч Маркус Лемонис удирдан явуулдаг бөгөөд 100 гаруй жижиг, дунд бизнес эрхлэгчдийн бизнесийг дампуурлаас аварч, хөл дээр нь босгожээ. Өдгөө дэлхийн хэмжээнд салбартаа "толгой цохиж" буй санхүүгийн үйлчилгээний “Step” компани, санхүүгийн “Pipe” байгууллага, алдарт “Pangaia” материал судлалын компани зэрэг нь "The Profit"-ийн оролцогчид юм.

#3 Азийн анхны профит М банкны захирал Б.Тэмүүлэн гол хөрөнгө оруулагчаар ажиллана

Монголын анхны бүрэн дижитал необанк болох М банкны захирал, Азийн анхны профит, хөрөнгө оруулагч Б.Тэмүүлэн нь тус нэвтрүүлгийн гол дүр, гол хөрөнгө оруулагчаар ажиллах болно. Тэрээр ирээдүйд хүмүүсийн амьдралд мэдрэгдэхүйц үнэ цэн бүтээх бизнест хөрөнгө оруулалт хийх хүсэлтэй бөгөөд өөрийн хөрөнгөөр дэнчин тавин эрсдэл гаргаж, монголын бизнес эрхлэгчдэд алдаж боломгүй боломжийг бий болгож байна.

Тэр компаниудад ашигтай ажиллаж, асуудлаа шийдэхэд нь тусалж чадах болов уу? Аль эсвэл мөнгө, цаг хугацаагаа салхинд хий дэмий хийсгэх болов уу?

#4 Азидаа анх удаа албан ёсны эрхтэйгээр Монголд!

Маркус Лемонисийн Куба, Шинэ Зеландад хийсэн тусгай улирал болон олон улсын "The Profit" цувралууд ч их алдартай. Албан ёсны эрхтэйгээр Австрали, Нидерланд, Бразил, Португал, Пуэрто Рико зэрэг улсуудад бүтээгдээд байгаа бол Ази тивд анх удаа албан ёсны эрхтэйгээр бүтээгдэж буй нь “Central” телевизийн "The Profit" юм.

#5 Өрсөлдөөнөөс шалгарсан 10 бизнесийг хөгжлийн замд хөтөлнө

Нэвтрүүлгийн үеэр ашиг алдагдлаар ээлжлэх их хотын зах зээлийн өрсөлдөөн дундаас 10 бизнесийг сонгон авч, хамгийн оновчтой хөрөнгө оруулалтыг олгох замаар компанийг өндөр үнэлгээтэй, үр ашигтай бизнес болгон, хөгжлийн замд нь хөтлөх юм.

Хэрэв таны эрхэлж буй бизнест тань санхүүгийн асуудал үүсэж, хүний нөөц тань байнга солигдож, маркетинг хийсэн ч танигдаж чадахгүй эсвэл ямар нэг асуудал, бэрхшээл тулгарсаар байвал Монгол дахь “The Profit” нэвтрүүлэг танд хариултыг нь өгөх болно.

“The Profit” бизнесийн реалити нэвтрүүлгийг 09-дүгээр сарын 24 буюу

Бямба гарагт 20:00 цагаас хүлээн авч үзээрэй.