1 мин

Монголын хөлбөмбөгийн шигшээ баг Тайванийн багтай нөхөрсөг тоглолт хийж 1:0-ээр хожлоо

У.Чинзориг 2022.09.22

Монголын хөлбөмбөгийн 23 хүртэлх насны шигшээ баг өнөөдөр Тайванийн 23 хүртэлх насны шигшээ багтай албан ёсны нөхөрсөг тоглолтыг хийлээ. Тоглолтын 76 дахь минутад талбайн төвөөс хамгаалагчдыг давуулан хаясан бөмбөгийг У.Тэмүлэн хаалгачийн бага тал руу цохин гоол оруулсан юм.

Монголын хөлбөмбөгийн холбооны цэнгэлдэх хүрээлэнд явагдсан тус тоглолтод үүнээс өөр гоол оролгүй үндсэн цагт 1:0 үр дүнгээр Монголын шигшээ баг хожив.

Мөн энэ сарын 25-нд 15:00 цагаас Монголын хөлбөмбөгийн талбайд Монголын Үндэсний шигшээ баг болон Тайванийн шигшээ багуудын нөхөрсөг тоглолт явагдах хуваарьтай байна.