1 мин
Нэгэн эр тамхи угсруулан татангаа марафонд оролцож, хувийн амжилтаа ахиулжээ
Хятадад болсон нэгэн марафон тэмцээний үеэр 1158 дугаартай гүйгч хайрцаг тамхийг угсруулан татангаа гүйж байжээ. Үүнийг харсан хүмүүс интернэтэд оруулснаар тэрээр шуугиан тариад байгаа юм.
Тэрээр 42 км зайг нийт 3 цаг 28 минутад туулжээ.
Нийт 1500 хүн энэхүү уралдаанд оролцсоноос тэрээр 574-т бичигджээ.
Мөн 2018 болон 2019 онд болсон уралдаануудад тэр мөн л тамхиа татан гүйж байсан гэх мэдээлэл байна. Тус бүрт нь тэрээр 3 цаг 36 минут, 3 цаг 32 минутад тус тус барианд орж байсан бөгөөд өөрийн амжилтыг энэ удаад ахиулжээ. Гэхдээ л тамхи эрүүл мэндэд хортой шүү, залуусаа.