2 мин

Охинтойгоо ихэр гэж андуурагддаг 45 настай ээж

Ub.life 2022.11.23

Залуу насаа хадгалах нь хэн хүнээс ихээхэн хичээл зүтгэл шаарддаг билээ. Тэгвэл итгэмээргүй залуухан харагддаг 45 настай Жолин Диаз хэн хүнийг алмайруулж байна.

Тэрбээр 22 настай охинтой бөгөөд хүмүүс тэднийг эгч дүүс, ихрүүд гэж андуурах нь элбэг гэнэ.

Түүний охин Мэйлани Паркс багаасаа л ийм зүйлс сонсож өссөн тул ээжтэйгээ чацуу мэт харагдах нь дасал болсон зүйл гэж ярьжээ. Түүний бага байхад хүмүүс Жолин Диазыг хэзээ ч түүний ээж гэж хардаггүй, эгч нь л байх гэж боддог байсан гэв.

Гэвч наснаасаа хэт залуу харагддаг нь заримдаа багахан асуудал үүсгэдэг гэнэ.

Нөхрөөсөө салж, охиноо ганцаараа өсгөж байсан тэрбээр өмнө нь ахлах сургуульд багшилдаг байжээ. Ингээд Мэйланиг 10 нас хүрэхэд нь Калифорни руу нүүсэн байна. Тэрбээр итгэмээргүй залуухан харагддагаасаа болоод хэд хэдэн удаа Hinge-ийн хаягаа устгуулж байсан гэнэ. Учир нь хүмүүс түүний нас болон зургийг хараад хуурамч хаяг, залилагч байх магадлалтай гэж үзэн репорт хийчихдэг гэж Жолин ярьжээ.

Тэр хоёр ээж охин гэхээсээ найзууд шиг л харилцаатай байдаг гэжээ.

Тэд хоёул хэд хэдэн болзооны платформ дээр хаягтай бөгөөд заримдаа бүр давхар болзоонд явдаг аж.

"Бид хоёр давхар болзоонд явдаг ихэвчлэн боулинг тоглох, кино үзэх, явган аялал хийх, далайн эргийг зорих дуртай. Мэйлани надаас байнга л болзооны талаар зөвлөгөө авдаг юм. Миний өгдөг зөвлөгөөнд итгэж, хэрэгжүүлэхийг хичээж байгаа нь надад сайхан санагддаг" гэж Жолин ярилцлагадаа дурджээ.