Индекс: Дэлхийн хамгийн өндөр өртөгтэй хотууд
“Economist Group”-ийн судалгааны нэгж болох “Economist Intelligence Unit”-ээс гаргасан “Worldwide Cost of Living Index” индексээр, 2022 онд дэлхий дахинд амьжиргааны өртөг 8.1 хувиар өсжээ. ОХУ-Украины мөргөлдөөн, БНХАУ-ын “Тэг ковид” бодлого зэрэг олон зүйлээс үүдэлтэй энэ өсөлтийн үед амьдрахад хамгийн зардалтай хот хаа байна вэ? Тус байгууллага дэлхийн томоохон 172 хотын өртгийг харьцуулж үзээд Нью-Йорк, Сингапурыг нэгдүгээрт эрэмбэлсэн байна. Нью-Йорк хот анх удаа энэ үзүүлэлтээр нэгдүгээрт бичигдэж буй нь энэ. Нью-Йорк 2021 онд зургаадугаарт эрэмбэлэгдэж байв. Өнгөрсөн жил нэгдүгээрт эрэмбэлэгдсэн Изриалийн Тель-Авив хот энэ жил хоёр байр доошилжээ.
Тус эрэмбийг гаргахдаа өргөн хэрэглээний, тансаг хэрэглээний зэрэг төрөл бүрийн 200 гаруй бүтээгдэхүүний үнийн өсөлтийг тодорхойлсон аж.
Сингапур хот
Эхний 10-т эрэмбэлэгдсэн хотууд:
1. Нью-Йорк, Сингапур
3. Тель-Авив
4. Хонконг, Лос-Анжелес
6. Цюрих
7. Женев
8. Сан Франциско
9. Парис
10. Копенгаген