1 мин

2400 ам.долларын шагналтай "World illustration award-2023" зарлагджээ

Г.Сүрэн 2023.01.09 1 1 1

Олон улсын дизайнеруудын хамгийн нэр хүндтэй тэмцээний нэг болох "World illustration award"-ийн энэ жилийн сунгаа зарлагджээ. Улс орон үл харгалзан шилдэг иллюстрэшн бүтээлийг олон төрөлд шалгаруулан, бүтээлийг нь олон улсад алдаршуулан танилцуулдаг нь тус тэмцээний онцлог. 

2023 оны бүтээлийг зар сурталчилгаа, номын ковер, арилжааны хэвлэл, алтернатив хэвлэл, хүүхдийн хэвлэл, бүтээгдэхүүний дизайн, редакцийн бүтээл, судалгаа, шинжлэх ухаан ба технологи, сайтын дизайн гэх 10 төрөлд хүлээн авах бөгөөд дизайн иллюстрэшн бүтээл нь ямар ч хэмжээтэй байж болох юм. Бүх төрлийн иллюстрэшн, анимейшн хөдөлгөөнт зураг, анимейшнээр оролцоход нээлтэй. 

2023 оны шалгаруулалтад оролцох бүтээл нь 2022 оны нэгдүгээр сараас хойш хэвлэн нийтлэгдсэн байх шаардлагатай. 18 нас хүрсэн, мэргэжлийн ба сонирхогч олон улсын уран бүтээлчид оролцох боломжтой. 

Уралдааны шалгаруулалтаас 500 бүтээлийн эхний шатанд шалгаруулж, үүнээс 200 бүтээлийг дараагийн шатанд шилжүүлэх болно. 

Бүтээлийг 10 төрөл тус бүрт шалгаруулан "Шилдэг мэргэжлийн ялагч" номинацид 2000 евро, "Шилдэг шинэ авьяас" номинацид 1000 еврогийн мөнгөн шагнал дагалдуулна. Бүтээл хүлээн авах эцсийн хугацаа 2023 оны хоёрдугаар сарын 14 тул доорх зурагт даран дэлгэрэнгүй мэдээлэл аваарай. 

"World illustration award-2022"-ийн шилдэг бүтээлүүдийг эндээс  хараарай.

Г.Сүрэн 2023.01.09