1 мин

Манчестер Ситигийн сүүлийн гурван тоглолтыг сэлгээний сандлаас үзсэн Жоао Кансело Байернд нэгдлээ

У.Чинзориг 2023.01.31

Байерн түүнийг 70 сая еврогоор худалдан авах нөхцөлтэйгээр зээлээд байна. Кансело Ситигээс явах хүсэлтэй байгаагаа дасгалжуулагч Пеп Гуардиолад өөрөө хэлжээ. Учир нь түүнийг сүүлийн гурван тоглолтод сэлгээний сандалд суулгаад байв.

Сүүлийн хоёр улиралд Премьер лигийн оны шилдэг багт нэрлэгдсэн Кансело ийнхүү Германы аваргуудын эгнээнд нэгдэж байна.

Пеп сүүлийн үед академийн тоглогч Рико Льюис, мөн Натан Аке нарыг түүний байрлалд гараанд тоглуулах болсон нь хоорондын таагүй харилцаатай холбоотой гэж зарим ажиглагчид таамаглаж байгаа юм. Пептэй хувийн харилцааны таагүй хандлагаас үүдэн клубийг орхисон тоглогчидод Златан, Яя Туре тэргүүтэй хөлбөмбөгчид багтдаг билээ.