1 мин

Гана хөлбөмбөгчин Кристиан Ацу 24 цагийн дараа газар хөдлөлтийн нурангиас аврагдаж, эмнэлэгт хүргэгдлээ

У.Чинзориг 2023.02.07

Туркт болсон газар хөдлөлтийн дараа олон мянган хүн сураггүй алга болсны дотор Гана улсын шилдэг хөлбөмбөгчин Кристиан Ацу багтаж, нурангид дарагджээ. Тэрээр газар хөдлөлт болохын өмнөхөн чөлөөт цохилтоос багийнхаа хожлын гоолыг оруулж, бүс нутгийнхныг баярлуулаад байсан юм.

Замналынхаа оргил үеийг Английн Ньюкасл клубт өнгөрүүлсэн Ацу 2022 оны 9-р сард Туркийн супер лигийн Хатайспор клубтэй нэг жилийн гэрээг байгуулсан. Тэрээр Челси, Эвертон, Малага, Порто зэрэг клубуудэд мөн тоглосон байдаг.

Түүнийг нурангид даруулснаас нь 24 цагийн дараагаар олж, эмнэлэгт хүргэжээ. Тэрбээр баруун хөлөндөө гэмтэл авч, амьсгалахад хүндрэлтэй байна гэсэн зовуурийг мэдүүлсэн байна.

Турк улсад бүх спортын тэмцээнийг дараагийн мэдэгдэл хүртэл түр хугацаанд зогсоогоод байгаа юм.