Хангарьд клуб Дээд лигийн тэмцээнийг үргэлжлүүлэх боломжгүй болсноо мэдэгдлээ
Монголын хөлбөмбөгийн Моби Дээд лиг түр завсарлаж, ирэх гуравдугаар сараас үргэлжлэн явагдах билээ. Одоогоор тус тэмцээнийг Улаанбаатар, Дэрэн клубууд 22 оноотойгоор тэргүүлж байна.
Өнөөдөр Эрдэнэт хотын Хангарьд клубээс мэдэгдэл гаргаж Дээд лигийн тэмцээнийг энэ хүрээд өндөрлүүлж байгаагаа зарлав. Тэд Дээд лигт дөрвөн удаа түрүүлсэн бөгөөд холбооны цомын тэмцээнд мөн наймантаа түрүүлсэн амжилттай. Харин өнөө жил ганц ч оноогүй хүснэгтийн сүүлийн байрт бичигдэж байсан юм.
Энэ жилийн Үндэсний Дээд лигт "Атлетик 220" клуб санхүүгийн хямралын улмаас оролцох боломжгүй болсон билээ. Тэгвэл үүнтэй адилхан шалтгаанаар Дээд лигийг орхиж буй хоёр дахь клуб нь Хангарьд болж байна. Мөн өнөө жил хэд хэдэн клуб Дээд лигийг хасах оноотойгоор эхлүүлээд буй юм.