2 мин

Хэвийн боов, үлдсэн буузнуудаа "таргалахгүйгээр" хурдан шингээж идэх 8 арга

О.Анхзаяа 2023.02.24

Зочдод зориулан хийсэн бууз, амттан шимттэнгүүдээ өөрсдөө идэх цаг дор та хэрхэн зохицуулах гэж байна даа? Ямартай ч энэхүү мэдээллийг та бүхэндээ нэмэр болох үүднээс оруулж байна.

1. Нэг айлд очоод 2-3 бууз идэж байгаа мэт цагийн баримжаатай идэх зарчим баримтлаарай. Нийлээд 400 орчим ккал гэсэн үг. Хэрэв та олон айлаар зочилдог байсан бол түүнийгээ дагаад идэх буузны тоо багасах учиртай шүү дээ. Өдөрт 20 бууз идэхэд 2300 ккал болно. Ийм хэмжээний хооллолт өдөрт л гэхэд хагас кг таргалах үндэс болно. Тиймээс зайтай, 2-3 бууз идэхэд болно.

2. Ус сайн уух. Хийжүүлсэн ундаа, жүүс зэргээ хойш тавиад ус л сайн уу. Хэвтэж байхдаа, зогсож байхдаа, зурагт үзэж байхдаа гээд байнга бага багаар шимэн уу.

3. Чихэрлэг зүйлийг хольж идэхээс сэргийлээрэй. Бууз, салат идэж байхдаа чихэр, савтай жүүс, хуурай идэх юм хольж идэж болохгүй. Хэр их хольж иднэ, тэр чинээгээрээ л жин нэмнэ гэсэн үг.

4. Ногооны салат, чихэр амттаны оронд жимс жимсгэнэ, зөгийн балтай, чацарганатай ус, аньсны шүүс гэх мэтээр ширээгээ “эрүүл” хүнсээр дүүргэвэл маш сайн. Их идсэн ч биед муугаар нөлөөлөх нь бага байх болно.

5. Нэг ширхэг хэвийн боовонд 2000 ккал агуулдаг учраас хоёр хоногийн хоолоо нэг дор идчихсэн юм шиг бие хүнд оргих мэдрэмж авч, жин нэмэхийг хүсэхгүй байвал нэг дор ихээр идэж болохгүйг анхаараарай.

6. Сууж байхдаа ч дасгал хөдөлгөөн хийх. Шингэн юм сайн ууж, хөдөлгөөнөө хязгаарлаж болохгүйг анхааруулъя. Энгийн дасгал хөдөлгөөнөөс холдож болохгүй шүү! Ядаж гараад гэрээ 3 тойрч алхаарай.