Дэлхийн шилдэг их сургуулийн нэг Стэнфордын их сургууль дуучин Тейлор Свифтийн арван минутын урт ‘All Too Well" дууг сургалтын хөтөлбөртөө оруулж, оюутнуудад заах болжээ.
Стэнфордын их сургуулийн хамгийн алдартай хичээлийн нэг болох "Italic 99 courses" хөтөлбөрт уг дуу багтжээ. Оюутнууд дууны шүлэг, ая, хөгжмийн хийц, утга агуулга, клип буюу богино хэмжээний кино, дуучны намтар зэргийг долоо хоногт 50 минут задлан суралцах гэнэ.
"Italic 99 courses" хөтөлбөрийг Стэнфордын их сургуулийн шилдэг төгсөгч нар удирдан явуулдаг бөгөөд урлаг, уран зохиол, анимейшн, дижитал арт, аяллын зураг зэрэг сонирхолтой сэдвүүдийг хамардаг аж.
Тейлор Свифтийн 2021 онд гаргасан "Red" цомогт багтах уг дуу нь энэ оны Грэммийн шагнал гардуулах ёслолын "Оны шилдэг дуу" шагналд нэр дэвшиж, дууны клип "Хөгжмийн шилдэг видео" шагналыг хүртсэн юм. Мөн 20 гаруй олон улсын хөгжмийн наадмуудад нэр дэвшин 14 шагналын эзэн болжээ. Бүр 2021 онд Гиннесийн номонд "Биллбоард шилдэг 100 дуунд багтсан хамгийн урт дуу" төрлөөр бичигдсэн удаатай.
Эх сурвалж: Sis.stanford.edu
