1 мин

Иван Тониг цахимд арьс өнгөөр ялгаварласан этгээдийн цэнгэлдэхэд орох эрхийг 3 жилээр хориглов

У.Чинзориг 2023.03.16

Брентфорд клубийн довтлогч Иван Тониг цахим сүлжээнд арьс өнгөөр ялгаварлан гадуурхсан эрэгтэйн Их Британийн бүх цэнгэлдэх хүрээлэнд орох эрхийг гурван жилээр хязгаарлажээ. Хэд хэдэн удаа ийм төрлийн ялгаварлан гадуурхалтад өртөж байсан Тони өнгөрсөн оны аравдугаар сард баг нь Брайтоныг 2:0-ээр хожсон тоглолтод хоёр гоол оруулсныхаа дараагаар инстаграмаар хүлээн авсан арьс өнгөөр доромжилсон мессежийг скрийншот хийж цахим сүлжээнд хуваалцаж байв.

Үүний дараагаар цагдаагийн газраас сэжигтнийг эрэн сурвалжилж, мөрдөн байцаалтыг эхлүүлсэн бөгөөд 1-р сарын 25-нд 24 настай Антонио Нейл нэртэй эр Тони руу арьс өнгөөр доромжилсон мессеж илгээсэн гэм буруугаа хүлээн зөвшөөрсөн юм.

Улмаар Нейлийг Их Британийн цэнгэлдэх хүрээлэнд нэвтэрч клубийн түвшний болоод Английн шигшээ багийн бүхий л тоглолт үзэх эрхийг гурван жилээр хориглож, дөрвөн сарын хорих ял оноожээ. Мөн түүнийг энэ гурван жилийн хугацаанд хөлбөмбөгийн тоглолт үзэхээр гадаадад зорчихыг хориглосон байна. Энэ нь цахим сүлжээнд арьс өнгөөр ялгаварлан гадуурхсан хэрэгт шийтгэл оногдуулсан анхны тохиолдол юм.