Дэлхийн хамгийн чинээлэг эрхмүүдийн жагсаалтын 71-т, АНУ-ын баячуудын 31-т бичигддэг, Fox News, The Times, The Wall Street Journal зэрэг хэвлэлийн толгой болох "News" корпорацын үүсгэн байгуулагч Руперт Мердок 92 насандаа 5 дахь удаагаа хуримлахаар болсон талаараа мэдээллээ.
Тэрээр "Ахин дурлана гэхээс айж байсан ч энэ сүүлчийнх нь гэдгийг л мэдэж байна. Тэгэхээр өөр сонголтгүй. Би жаргалтай байна" гэжээ.
Руперт Мердок өнгөрсөн онд дөрөв дэх эхнэрээсээ салсан бөгөөд энэ онд 66 настай сэтгүүлч, загвар өмсөгч асан Анн Лесли Смиттэй гэрлэлтээ батлуулахаар болжээ.
Руперт Мердок 22 насандаа Австралийн хэвлэлийг эцгээсээ өвлөн авсан бөгөөд АНУ-д төвтэй хэвлэлийн томоохон байгууллагуудыг үүсгэн байгуулж, 2019 онд Fox компаний кино студи, National Geographic Networks, Star India зэрэг сувгуудыг Disney-д худалдаалсан билээ.
Эх сурвалж: BBC
