Өчигдрөөс буюу 5 сарын 26-наас эхлэн Төв Талбай дээр 33 дахь удаагийн Үндэсний номын баяр эхэллээ. Энэхүү баярын өдрүүдээр талбай дээр номонд дурлагч хэн бүхэн цуглан, шинэ бас хуучны өвөрмөц содон номуудаар бялхан өнгөрүүлдэг билээ.
Энэ жил асрууд улам бүр олуулаа болж, номын сонголт, давхар зарагдах эд зүйлсийн сонголт ч ихээхэн нэмэгджээ. Ном, номын хавчуурга, дэвтэр, энгэрийн тэмдэг, чимэг зүүлт, хүүхдийн тоглоом гээд энд ирсэн хүмүүс олон зүйлийг давхар сонирхох боломжтой.
Та хүрэлцэн ирснээр тогтмол оролцдог 200 гаруй хэвлэн нийтлэгч, 300 гаруй зохиолчдын асраар зочлон, бүтээлүүдтэй нь танилцан, хямдралтай үнээр худалдан авах боломжтой.
Үндэсний номын баяр энэ ням гарагийн орой хүртэл үргэлжлээд дуусах тул та бүхэн амжиж үзэж сонирхоорой.
