Мэдээллийн технологи, харилцаа холбооны салбарт үйл ажиллагаа явуулж буй ААН-үүд өөрсдийн хийсэн сонирхолтой, бас ахиц дэвшилтэй, шинэлэг бүхнээ бусадтай хуваалцдаг ICT EXPO арга хэмжээ 2006 оноос хойш зохиогдож байгаа билээ. Харин Юнител компани 2006 онд үүсгэн байгуулагдсан цагаасаа хойш тус арга хэмжээнд тасралтгүй оролцож, шинэ шинэлэг технологийн дэвшилтэт шийдлээр хэрэглэгчдээ гайхшируулсаар ирсэн юм. Бүгдээрээ онцлох мөчүүдээс хамтдаа сонирхоцгооё.
"Ирээдүйтэй холбогдъё - Шинэ амьдралын хэв маяг" уриатай ICT EXPO 2013-ийн ерөнхий ивээн тэтгэгчээр оролцож байв. Мөн тухайн жилийн "Шилдэг оролцогч" шагналыг хүртэж байлаа.
Юнител групп хамгийн сүүлийн үеийн аппликейшнүүд болох хөнгөлөлт урамшууллын нэгдсэн аппликейшн ShopON, хөгжмийн ертөнцөд аялуулах SONS аппликейшн болон Монголын хамгийн анхны App Store болох U Store-ийг хүмүүст танилцуулж байв.
Мөн "Шилдэг үйлчилгээ" номинацид U-STORE үйлчилгээгээр UNITEL ХХК шилдгээр тодорч байв.
Юнител групп "ICT Expo 2015" арга хэмжээний үеэр хамгийн сүүлийн үеийн дэвшилтэт технологи болох 360 градусын харах өнцөг бүхий VR (Virtual reality)-аар 9 жилийн бүтээн байгуулалтыг 5 минутад багтаан үзүүлж гайхшируулж байв.
Мөн эх дэлхийдээ ээлтэй цахим хувилбараар тараах материалаа өгч, анхдагч болж байлаа. “Юнител” групп ICT-ийн хамгийн олон салбарт үйл ажиллагаа явуулдаг №1 групп компани болж байжээ.
“Хязгааргүй боломж” уриан дор зохион байгуулагдсан 2016 оны ICT EXPO үзэсгэлэнгээр Юнител групп Монголдоо анхлан нэвтрүүлсэн 4G LTE сүлжээгээ онцлон оролцож байв. Мөн IPTV, суурин утас, интернэтийн цогц үйлчилгээ үзүүлэгч “Юнивишн” компани, “ДДэш ТВ”-ийг байгуулан маш өргөн цар хүрээтэйгээр үйл ажиллагаагаа явуулж буйгаа баталж байв.
Юнител Групп Ерөнхий ивээн тэтгэгчээр оролцож, маш олон шинэлэг сонирхолтой үйлчилгээг танилцуулсан жил байв. 2017 оны нэгдүгээр сард Гэр интернэт бүтээгдэхүүнээ олон нийтэд танилцуулж худалдаанд гаргасан нь хот, орон нутгийн хэрэглэгчдийн дунд маш өндөр эрэлттэй байсан. Мөн Монголын хамгийн анхны ОТТ үйлчилгээ буюу хүссэн газраасаа гар утас, нөүтбүүк ашиглан дуртай кино, контентоо үзэх боломжийг олгосон LookTV үйлчилгээг танилцуулж байв.
“Дижитал хөгжилд хамтдаа“ уриатай ICT EXPO-2018 үзэсгэлэнгийн ШИЛДГИЙН ШИЛДЭГ оролцогчоор Юнител Групп шалгарч байв.
Тус ICT EXPO арга хэмжээний үеэр Монголд анх удаа 5G сүлжээний туршилтыг амжилттай хийж байжээ. Мөн энэхүү удаагийн арга хэмжээний үед Шилдэг нийгмийн хариуцлагатай компаниар Юнител групп шалгарч байлаа.
Мөн эдгээр өдрүүдэд ододтой "өөрөг" зургаа авхуулах сонирхолтой шинэ шийдэл, VR тоглоом, электрон шивээс, Дата хүрдний тоглоом зэргээр бүхий л танилцуулгын болон энтертайнмент хэсгээ дижитал байдлаар шийдсэн нь санаанаас гарамгүй үйл явдлууд болж үлдсэн юм.
Энэ онд хүмүүсийн анхаарлыг хамгийн ихээр татсан шинэ үйлчилгээ бол "Toki" байсан юм.
Хүссэн бараагаа захиалж болох Toki Shop, дижитал хэтэвч Toki Pay, такси дуудах, кофе, хоол захиалах, нэгж дата авах, хэрэглээний төлбөрүүдээ төлөх, тоглоом тоглох, цэнэглэх гэх олон төрлийн үйлчилгээ авч болох Toki Service гээд бүх талаараа хүмүүсийн хэрэгцээг хангаж чадах апп 2020 оны "ICT EXPO"-гийн онцлох үйлчилгээ байв.
“Цахим үндэстэн” уриан дор зохион байгуулагдсан 2021 оны ICT EXPO-д Юнител Групп Монголын анхны OTT үйлчилгээ болох LookTV-ийн томоохон шинэчлэлийг онцлон хүмүүст танилцуулсан юм.
Харин энэ жилийн ICT EXPO дээр биднийг юу хүлээж байгаа бол?
6 сарын 9-11 хооронд зохион байгуулагдах "ICT Expo 2023"-гийн Ерөнхий ивээн тэтгэгч Юнител группийн үзэсгэлэнгийн талбайд зочилсноор та орчин цагийн технологийн үсрэнгүй хөгжлийг дэргэдээс нь мэдрэх боломжтой. Нэвтрүүлсэн шинэ систем, бүтээгдэхүүн үйлчилгээнүүдээ өндөр хурдны 5G технологид суурилсан инновацлаг шийдлүүдээр танд хүргэхэд бэлэн болсон байна. Та жил болгон хамгийн шилдэг бас сонирхолтой байж чаддаг Юнител группийн асраар зочлоорой.
