АНУ-ын Нью-Йоркын цэцэрлэгийн багачуудаас эхлээд ахлах ангийн сурагчид хүртэл бүх хүүхдүүд хичээл дээрээ өдрийн цагаар бясалгал хийх болжээ. Шинэ хөтөлбөрийг заавал хамрагдах хичээл болгосон бөгөөд хүүхдүүд өдрийн цагаар амьсгалын дасгал дасгал хийж, богино хугацаанд бясалгаж байна.
"Зүгээр л амьсгалах, зөв амьсгалах хоёр маш их ялгаатай. Амьсгалын дасгал хийснээр тархи амарч, оюуны хөгжил сайжрахаас гадна хүүхдүүдийн олон талын хөгжилд маш чухал нөлөөтэй. Зөв амьсгалах нь шинжлэх ухаан болон хөгжиж байна" гэж хөтөлбөрийг санаачлагчид онцолжээ.
Амьсгалын дасгал, бясалгал тогтмол хийдэг хүүхдүүдийн оюун ухаан сэргэг, дархлаа сайн, сэтгэл зүй нь тогтвортой, нийгмийн харилцаанаас баяр хөөр мэдрэх чадвар өндөртэй болдог байна. Бясалгал хийдэг өсвөр насныхныг огт бясалгадаггүй хүүхдүүдтэй харьцуулбал сэтгэл гутралд өртөх, өөрийгөө гэмтээх, хямрах магадлал багатай байдаг аж.
Эх сурвалж: NYTimes
