Үргэлж ямар нэг зүйлийг мартчихдаг, нэг л мэдэхэд ус уулгүй олон цаг суучихдаг, шинэ дадал хэрэгжүүлж эхлээд долоо хоногийн дараа хаячихдаг уу? Тэгвэл таны гайхалтай туслах болж чадах аппликейшнүүдийг хүргэж байна.
Нэг л мэдэхэд ус уулгүй хэдэн цаг суучихсан байдаг уу? Өөрөө өөртөө ус уухыг сануулахаа мартчихдаг бол танд энэ апп гайхалтай туслах болно. Өөрийн усны хэрэгцээгээ хянаж, хэрэгтэй цагууддаа усаа тэр дор нь уугаарай.
#2 Window – Intermittent Fasting
Хооллолтоо хянах, өдөрт хэрэгцээтэй эрдэс бодис, шим тэжээлээ хоолноосоо авч буй эсэхээ магадлахад туслах апп. Хоолны дэглэмээ хянах, хэт их болон хэт бага идэхээс сэргийлэхэд танд тусална.
#3 I Am – Positive Affirmations
Сөрөг таагүй бодлыг тань үгүй хийж, өөрөө өөртөө сануулж амждаггүй эерэг бодлуудыг сануулах аппликейшн.
#4 Clutterfree
Бодол санаанаас гадна гэр, өрөөгөө ч эмх цэгцтэй байлгахыг хүсэж байна уу? Ширээн дээр овоорсон хэрэгтэй хэрэггүй зүйлсээс алийг нь яахаа учраа олдоггүй бол танд яг л "ээж" шиг зөвлөж эмх цэгцтэй байхыг сургах аппликейшнийг татаарай.
#5 Smoke Free
Тамхи татах муу зуршлаа хаяхыг хүсэх ч өөртөө сануулж, гарч чадахгүй л байна уу? Тэгвэл бага багаар амжилтаа тэмдэглэн, урам авч, нэг л мэдэхэд тамхинаас гарсан байх гайхалтай аппликейшнээ суулгаарай.
#6 Happy Plant
Хайртай цэцэг, тасалгааны ургамлаа услахаа мартаад үхүүлчихдэг үү? Тэгвэл ямар цэцгээ хэзээ услах хэрэгтэйг эндээс сурч, цаг тухайд нь услаарай.
#7 Any.Do
Бүхий л хийх зүйлсээ жагсаан, эмх цэгцэнд оруулж, цаг хугацааг нь зоож өгөн зохион байгуулалттай хийх апп. Нэг нэгээр нь хийж гүйцэлдүүлэн, ард нь гарах бүртээ тэмдэглэхэд үнэхээр урамтай бахй болно.
#8 Trello
Хийх ажлуудаа олон төрлийн төсөлд хуваан, төсөл тус бүрээр нь жижиг ажил хэрэг болгон хэрэгжүүлэхэд тохиромжтой. Ганцаараа болон багаараа ашиглах боломжтой нь үнэхээр гоё.
#9 Driven
Өдөр тутмын дадлуудаа тэмдэглэн, үйл явцаа хянахад туслах апп. Шинэ дадал хэрэгжүүлэхэд шаардлагатай цаг хугацааг танд заан өгөх тул бяцхан амжилтуудаа мэдрэн, цаг хугацаагаа төлөвлөөрэй.
#10 Pomodoro App
Ажлын үр бүтээмж нэг л муу байвал 25 минут ажиллаад 5 минут амрах помодоро апп-ийг ашиглаарай. Ижил төстэй 9 аппликейшнийг эндээс хараарай.
#11 Noisli
Ажил хичээлээ хийхээс залхуу хүрдэг бол арын дуу хөгжмөө солиод, энэ аппликейшнээр илүү үр бүтээмж төрүүлэх хөгжим сонсоорой.
#12 Reminder
Хэрвээ ямар нэгэн зүйлийг мартахаас айж байвал заавал өөртөө сэрүүлэг үлдээгээрэй.
