1 мин

Монголын 3х3-ийн шигшээ багууд Азийн наадмаас мөнгө, хүрэл медаль хүртлээ

У.Чинзориг 2023.10.02

Хятадын Ханжоу хотноо Азийн спортын 19-р наадам 9-р сарын 19-нөөс 10-р сарын 08-ны өдрүүдэд зохион байгуулагдаж байна.

Сагсан бөмбөгийн 3х3 төрлийн тэмцээнд өрсөлдсөн Монголын эмэгтэй шигшээ Хонгконг, Йордан, Филиппин, Тайландын багуудыг хожиж хагас шигшээд шалгарсан. Тэд өчигдөр Тайванийн багийг 21:20-оор хожсоноор Азийн наадмаас мөнгөн медалийн болзол хангасан юм. Харин алтан мeдалийн төлөөх тоглолтодоо Хятадын багт хожигдлоо.

Монголын эрэгтэй шигшээ хэсгийн шатнаа Йордан, Хонгконг, Филиппин, Ираны багуудыг хожиж хагас шигшээд шалгарсан. Тэд мөнгөн медалийн төлөө Катарын багтай тоглосон ч 21:13-аар хожигдсон юм. Улмаар хүрэл мeдалийн төлөө Өмнөд Солонгосын багтай өрсөлдөв. Тоглолтын эцсийн мөчид 21:20-оор өрсөлдөгчөө буулган авч, хүрэл мeдаль хүртлээ.

Ингэснээр Монголын сагсан бөмбөгийн 3x3 төрлийн эрэгтэй, эмэгтэй шигшээ багууд Азийн наадмаас мөнгө, хүрэл мeдалийг хүртсэн юм.