Өнөөдөр БНСУ-ын Инчён олон улсын нисэх буудалд Солонгосын дайны үед амиа алдсан 25 хятад цэргийн шарил, хувийн эд зүйлсийг БНХАУ-ын талд хүлээлгэн өгөх ёслол боллоо.
Ёслолд БНХАУ-ын ахмад дайчдын асуудал эрхэлсэн дэд сайд Чан Чжэнго, БНХАУ-аас БНСУ-д суугаа Элчин сайд Син Хаймин, БНСУ-ын БХЯ-ны дэд сайд Ким Сон Хо болон бусад албаны хүмүүс оролцов.
Солонгосын дайн нь 1950-1953 онд болж, 30 мянган хятад цэрэг амиа алдсан гэсэн тооцоо бий.
Элчин сайд Син Хаймин дайчдын шарилыг хийсэн авсыг далбаагаар бүтээсний дараа хүндэтгэлтэйгээр онгоцонд байрлуулж байлаа.
БНСУ-ын Засгийн газраас тус дайнд амь үрэгдсэн хятад сайн дурынхны эд зүйлсийг 10 жил дараалан хүлээлгэн өгч байгаа бөгөөд нийт 938-д хүрээд байгаа юм.
Гэрэл зургийг Синьхуа агентлаг.
