Дэлхий дахинд жендэрт суурилсан хүчирхийлэлтэй тэмцэх 16 хоногийн аян явагдаж байна. Энэхүү аяныг тохиолдуулан Их Британийн нийслэл Лондон хотын гудамжинд Казахстаны эмэгтэйчүүд жагсаал хийлээ.
Жагсагчид эмэгтэйчүүдийн эсрэг хүчирхийллийн хэрэг үйлдэгчдэд оноох ял хөнгөн байгааг эсэргүүцсэн юм. Саяхан Казахстанд Эдийн засгийн сайд асан этгээд Алматы хотын нэгэн ресторанд гэргийгээ зэрлэгээр хөнөөсөн хэрэг гарсан нь нийгмийг цочирдуулаад байгаа билээ.
Тэд “Эмэгтэй хүн бүр аюулгүй орчинд амьдрах ёстой”, “Улс, Засгийн газар биднийг хамгаалахыг хүсэж байна” зэрэг уриа лоозон барьсан байлаа.
