45 метр урттай хамгийн гүнзгий усан сан Польш улсад нээгдлээ
Нийт 45 метрийн гүн "Deepspot" усан сан хоёр жилийн хугацаанд баригдаж дуусан нээлтээ хийлээ. Дэлхийн хамгийн гүн усан сан гэх нэр хүндийг Итали улсад байдаг 42 метрийн урттай "Y-40 Deep Joy" өмнө нь эзэмшиж байсан юм.
(Y-40 Deep Joy усан сан)
Тус усан сан олон нийтэд нээлттэй бөгөөд усан хонгил, зочид буудал, ресторан, үзэмж сайтай бүтэн цогцолбор болж сүндэрлэсэн юм.
Арваннэгдүгээр сарын 21-нд нээлтээ хийсэн даруйд нь мэргэжлийн шумбагчид энэ газрыг зорин ирж, аюулгүй, сонирхолтой орчинд шумбаж зугаацжээ.
"Хэдийгээр загас, далайн ёроолд байх амьд ертөнц энд байхгүй ч сэлж, шумбаж сурахад төгс тохирох орчин" гэдгийг зочид онцолжээ.
Гэхдээ хамгийн гүнзгий усан сан гэх нэр хүндийг тус газар хэдхэн сар л хүртэх юм. Учир нь 50 метр урттай "Blue Abyss" усан сан Их Британийн Колчестерт ирэх оны эхээр ашиглалтад орох юм.