Өглөөний 5 цаг 32 минутын үед болсон тус газар хөдлөлт Монгол болон ОХУ-ын зарим хэсэгт хүчтэй мэдрэгдсэн байна. Хөвсгөл аймгийн Ханх сумын төв Туртаас баруун өмнө зүгт 33 км зайд, 10 км гүнд болсон 6.8 магнитудын хүчтэй газар хөдлөлтийн чичиргээ Улаанбаатар хот, Дархан болон хойд аймгуудаар мэдрэгджээ.
Ор дайвалзан хөдлөхөд сэрсэн хэмээх олон хүн яг одоо сошиал ертөнцөд пост бичиж, газар хөдлөлтийг хаана яаж мэдэрснээ бусадтай хуваалцаж байна.
