Ажиллахад тохиромжтой 15 талт минимал бүхээг зохион бүтээжээ
Унгарын Hello Wood компани төрөл бүрийн тусгай загварын модон сууц бүтээдгээрээ алдартай билээ. Хамгийн сүүлд тус компани төвлөрч ажиллахад тохиромжтой 15 талт минимал бүхээг зохион бүтээжээ. 8 квадрат метр уг өвөрмөц бүхээг нь зай бага эзлэх учраас байшингийн гадаа, хашаан дотор байрлуулахад боломжтой гэнэ.
Дуу чимээний тусгаарлалт сайтай тул ажиллах, бизнес уулзалт хийх, ном унших, амрах, дасгал хийх гээд олон зүйлийг гэрээсээ гарахгүйгээр амжуулах нөхцөлийг бүрдүүлнэ хэмээн зохион бүтээгчид нь тайлбарлажээ. Мөн гэрт тань зочилж ирсэн хүмүүсийг ч байрлуулж болох аж.
Харахад энгийн, хоосон мэт боловч халаалт, агааржуулалтын систем, гэрэлтүүлэг, телевиз, интернэт гээд хэрэгцээт бүх тохируулгыг хэрэглэгчийн хүсэлтээр нэмж хийх боломжтой гэжээ.
Эх сурвалж: Inhabitat.com