Амбер Хердийг "Aquaman 2" киноноос гаргах өргөдөлд сая гаруй хүн нэгдлээ
Сая гаруй хүн энэхүү өргөдөлд гарын үсгээ зурснаар Change.org сайт дээр хамгийн олон хүн нэгдсэн тохиолдлуудын нэг болж байна.
Жүжигчин Жонни Депп "Fantastic Beasts" кинонд дүр бүтээн, дараагийн ангиудад ч оролцох байсан боловч Амбер Хердтэй үүссэн гэр бүлийн хүчирхийллийн маргаанаас үүдэж Гринделвалдын дүрээс татгалзахыг Варнер Брос кино компани түүнд санал болгожээ. Жонни Депп ч уг саналыг хүлээн авч, дүрээ орхисон.
Харин хүмүүс Амбер Хердийг ч мөн "Aquaman 2" киноны дүрээсээ татгалзах ёстой хэмээн үзэж, түүнийг киноноос гаргахыг хүсэж байна.
Үүгээр ч зогсохгүй тэд "Aquaman 2" кинонд жүжигчин Эмилия Кларк тоглох ёстой хэмээн үзэж, янз бүрийн зураг, бүтээлээр энэхүү хүслээ илэрхийлсээр байна.