Хайх зүйлээ бичнэ үү

1 мин

АНУ-д электрон тамхинаас болж нас барсан 6 тохиолдол бүртгэгдлээ


Сүүлийн саруудад АНУ-д электрон тамхины хэрэглээнээс үүдэлтэй нас баралт, өвчлөл ихээхэн анхаарал татаж байна. Хүмүүс тамхинаас гарахын тулд электрон тамхи хэрэглэх нь нэмэгдэж байгаа ч эрдэмтэд аюулгүй байдлын тал дээр ямар нэгэн баталгаа өгч чадахгүй байна. 

Учир нь энэ онд л гэхэд АНУ-д электрон тамхийг уушгилж татсанаас (Vaping) үүдэлтэй 450 уушгины өвчний тохиолдол, зургаан нас баралт бүртгэгдээд байна. Тэдний олонхи нь залуучууд бөгөөд дундаж нас нь 19 гэж BBC мэдээлжээ. 

Электрон тамхи татдаг байсан 18 настай Симах Херман хэмээх бүсгүй команаас гарсныхаа дараа бусдад сэрэмжлүүлэх зорилгоор онлайнд өөрийнхөө зургийг нийтэлсэн нь ихээхэн шуугиан дэгдээсэн юм. Эмч нар түүний өвчнийг уушгины үрэвсэл, дутагдал гэж оношложээ. 

Электрон тамхинаас үүдэлтэй уушгины өвчлөлд нэрвэгдсэн хүмүүст амьсгал давчдах, ханиалгах, халуурах, ядрах зэрэг шинж тэмдэг илэрдэг ба улмаар бие нь гаднаас хүчилтөрөгч авах, эргээд нүүрстөрөгчийн давхар исэл ялгаруулах чадвараа алдагддаг байна. Даамжирсан тохиолдолд уушгины үйл ажиллагаа зогсож, амьсгалахад бэрх болдог гэжээ.

АНУ-ын Хүнс ба Эмийн захиргаанаас (FDA) сүүлийн үед ойр ойрхон гараад байгаа нас баралт, өвчлөлийн шалтгаан нь электрон тамхины найрлагад багтсан химийн элементээс үүдэлтэй юу эсвэл их хэмжээгээр хэрэглэснээс болсон уу гэдгийг тогтоохоор ажиллаж байгаа аж. 

2016 онд хийсэн судалгаанаас үзэхэд АНУ-д 10 сая орчим хүн электрон тамхи татдаг бөгөөд тэдгээрийн талаас илүү хувийг 35-аас доош насныхан, тэр дундаа 18-24 насныхан бүрдүүлж байна гэжээ. 

Эх сурвалж: BBC

холбоотой мэдээ
1
15 цагийн өмнө
Видео: ОХУ-ын санваартан архидалтыг зогсоохын тулд онгоцоор ариун ус цацжээ
2
16 цагийн өмнө
Нью-Йорк хот янз бүрийн орц найрлагатай электрон тамхийг хориглох шийдвэр гаргажээ
3
19 цагийн өмнө
Сөүлийн зарим оршин суугчид цахилгаангүйгээр аж төрөх хэв маяг руу шилжиж байна
санал болгох
1
17 цагийн өмнө
Хүүхэд хамгааллын явуулын үйлчилгээ нээлтээ хийлээ
2
19 цагийн өмнө
Сөүлийн зарим оршин суугчид цахилгаангүйгээр аж төрөх хэв маяг руу шилжиж байна
3
20 цагийн өмнө
Аудио ном үнэгүй сонсох боломжтой 10 вэб сайт

Энэ мэдээнд өгөх таны сэтгэгдэл?
0
0
0
0
0
0
1
0

Сэтгэгдэл бичих (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2019.09.11 202.21.127.165

Хүний өөрийн сонголт. Зүгээр л татахаа больчиход л болно. Хүмүүс тамхинаас гарах хэцүү гэдэг. худлаа . Зүгээр л татахгүй байгаад байхад санаанд орохоо больчихдог юм даа!!!

0 Хариулах