Австралид очсон монгол залуу коронавирусгүй болох нь тогтоогджээ
Эрүүл мэндийн яамнаас Австралид очсон монгол залууг коронавирусгүй гэж тогтоосныг сая мэдээллээ.
ЭМЯ-ны Төрийн захиргаа удирдлагын газрын дарга Б.Цогтбаатар "Өнөөдрийн 14:40 цагийн байдлаар Австарлийн Эрүүл мэндийн газартай холбогдож мэдээллийг нягтлахад тухайн Монгол Улсын иргэн маань онгоцонд байсан халдвар авсан иргэнтэй хамт нисэж очсон бөгөөд Монгол Улсын иргэн шинэ коронавирусийн халдвар аваагүй байна" гэлээ.
Тус залуу нэгдүгээр сарын 19-нд БНХАУ-ын Гуанжоугаас Австралийн Мельбурнд нисч очжээ. Очсон шөнөө халуурч, тусгаарлагдан шинжилгээ хийлгэхэд 25-ны өдөр шинэ коронавирустай болохыг лабораторийн шинжилгээгээр тогтоосон аж. ЭМЯ-наас Австралийн эрүүл мэндийн газартай хоёр цагийн өмнө холбогдож, мэдээллийг нягтлахад Монгол Улсын иргэн коронавирусийн халдвар аваагүйг тогтоосон байна. Харин халдвар авсан хүнтэй нэг онгоцонд зорчиж явжээ.