Байгаль орчны манлайлал хөтөлбөр 10 дахь жилдээ зарлагдлаа
Монгол Улсын байгаль орчны асуудлуудыг олон нийтэд таниулж тэдгээрийг шийдвэрлэхэд залуусын оролцоог нэмэгдүүлэх зорилготой Байгаль орчны манлайлал хөтөлбөр (EFP) IG Partners компанийн санхүүгийн дэмжлэгтэйгээр 10 дахь жилдээ зарлагджээ. Найман сарын хугацаанд ажлын бус цагаар явагдах уг хөтөлбөр нь:
Байгаль орчны талаарх мэдлэг боловсролыг гүнзгийрүүлэх
Хувь хүний манлайллын ур чадварыг дээшлүүлэх
Байгаль орчны асуудлыг шийдвэрлэх төсөл хэрэгжүүлэх боломж олгодог цогц хөтөлбөр юм.
Тус хөтөлбөрийн 10 дахь удаагийн шалгаруулалт одоо явагдаж байгаа бөгөөд өргөдлийг онлайнаар (ЭНД дарна уу) 2019 оны есдүгээр сарын 14-ний өдрийн 18:00 цаг хүртэл хүлээн авах юм байна.
Байгаль орчны манлайлал хөтөлбөрийг анх хэрэгжүүлж эхэлснээс хойш нийт 180 гаруй залууст оюуны хөрөнгө оруулалт хийж, хувь хүний хөгжил болон ажил мэргэжилд эерэг нөлөө үзүүлсэн төдийгүй эх орныхоо байгаль орчин болон нийгэмд иргэнийхээ хувьд хувь нэмрээ оруулах алтан боломжийг олгожээ.
Өнгөрсөн жилүүдэд тус хөтөлбөрийн оролцогчид нийт 36 төсөл хэрэгжүүлсэн бөгөөд 2018 оны оролцогчдын хэрэгжүүлсэн төслүүдтэй ЭНД дарж танилцаарай.
Дашрамд дурдахад, тус хөтөлбөрт ямар ч мэргэжилтэй хүн хамрагдах боломжтой юм байна.
Өнгөрөгч жилүүдэд "Байгаль Орчны манлайлал" хөтөлбөрт хамрагдсан залуусын сэтгэгдэл: