БНСУ-д эмчлүүлж байсан Монголын иргэн О нас барсан тухай Эрүүл мэндийн яамнаас мэдээллээ
БНСУ-ын Сөүл хот дахь Монгол Улсын Консулын газарт Намьяанжү хотын захиргаанаас Монгол Улсын иргэн 35 настай О тус хотын эмнэлэгт хүнд өвчний улмаас эмчлэгдэж байгаад өнөөдөр 17:40 цагт нас барсан тухай мэдээллээ.
Монгол Улсын Гадаад харилцааны яамнаас иргэн О элэгний хатуурлын улмаас эрхтэн шилжүүлэн суулгах мэс засалд орох гэж байсан тухай албан мэдээлэл өгсөн байна. Иргэн О-гоос энэ сарын 23-нд авсан шинжилгээгээр коронавирус эeрэг гарсан мэдээлэл байна. Талийгаачтай хамт ойрын 6 хүн байсан бөгөөд тэднээс шинжилгээ авахад коронавирус илрээгүй байна.