Бөхөндэй Улаанбаатарт аялж байна
Хүмүүсээс тусламж эрэн яваа бөхөн аялалд гарсныг та мэдсэн үү?
2.5 сая жилийн турш Монгол бөхөнг хэн ч устах, мөхөх аюулд хөтөлж байсангүй. Өнө урт хугацаанд эх байгальдаа оршсоор ирсэн энэ амьтныг мөхлийн ирмэгт аваачин хүн төрөлхтний түүхэнд хараар бичигдэх ёс зүйгүй үйлдэл бидний энэ үеийнхэнд байхгүй гэдгийг бардам хэлж, хамгаалах, хайрлах ажилд нэгдэхийг Дэлхийн байгаль хамгаалах сан (WWF)-гаас уриалж байгаа юм. Хүмүүсээс тусламж эрэн яваа нэгэн бөхөнгийн аялалд нэгдэхийг хүсвэл инстаграмын @buhundei хаягаар зочлоорой.
Бөхөндэйн аялал яг одоо Улаанбаатар хотод үргэлжилж байгаа юм. Хэрвээ та түүнтэй таарсан бол хамт зургаа авахуулаад сэтгэгдэл хэсэгт үлдээгээрэй.
Дэлхийн байгаль хамгаалах сан (WWF)-гийн Монгол дахь хөтөлбөрийн газар, бусад талуудын Монгол бөхөн хамгааллын олон талт үйл ажиллагааны үр дүн гарч 3800-аад тоо толгойтой байсан бөхөн өсөж 5000 давсныг мэдээлсэн.