1 мин

Дээдсийн хүрээллээсээ татгалзсан ханхүү Харригийн шийдвэрт гэр бүлийнхэн нь гомджээ

О.Анхзаяа 2020.01.09 7 7 2

198

Их Британийн ханхүү Харри, түүний гэргий Меган Мэркл нар Хойд Америк руу нүүж, тусдаа амьдрах болсноо өнөөдөр зарласан билээ. Дэлхий даяар уг  мэдэгдлийг цочирдон хүлээж авсан бөгөөд эгэл амьдралыг сонгохоор шийдсэн хосуудын талд зогсох хүмүүс байсан ч бас дургүйцэн хүлээн авагсад их байв. Меган Мэркл, Ханхүү Харри нар хамтдаа шинэ оны баярыг Хатан хаанаас тусдаа тэмдэглэсэн билээ.

Харин дөнгөж саяхан Independent.co.uk сайтаас мэдээлснээр тэдний мэдэгдлийг сонссон гэр бүлийнхэн нь ихээхэн гомдож, гайхсан байна. Меган Мэрклийг бэр эгч Кэйт болон Хатан хаантай харилцаа муу, тэднийг үл хүндэтгэдэг гэх яриа сонин сэтгүүлээр дүүрэн гарч байсан нь ч үүнд нөлөөлж байна хэмээн Independent мэдээллээ.

Тэдний шийдвэрийг дэмжсэн эсвэл буруутгасан, шоглосон гээд олон мэдээлэл интернетээр хөвөрсөөр.

"Бид их удаан ярилцаж, бодсоны дүнд энэхүү шийдвэрийг гаргасан. Эрхэмсэг дээд Хатан хааны гэр бүлийн хүндэт гишүүн байхаас татгалзаж, санхүүгийн хувьд бие даан амьдрахаар шийдлээ. Бид Хатан ханаыг үргэлж хүндэлж, дэмжих болно" гэх мэдэгдлийн үр дүнд өөр ямар үйл явдлууд болох нь тодорхойгүй ч тэд АНУ-д эгэл даруу амьдралаар амьдарч эхлэх нь ээ. 

Эх сурвалж: Independent.co.uk 

О.Анхзаяа 2020.01.09

198