Дэлхийн шилдэг богино хэмжээний анимейшнуудыг нэг дороос үзээрэй
Дэлгэцийн бүтээлүүд дотроос хамгийн хөнгөхөн, товчхон юм шиг атлаа хамгийн их өгүүлэмж бүхий, сэтгэлд үлддэг жанр бол богино хэмжээний анимейшн бүтээл билээ. Дэлхий дээр энэ төрлийн бүтээлээрээ алдартай маш олон уран бүтээлчид, продакшнууд бий. Тэдний нэг Канадын үндэсний кино зөвлөл өөрсдийн бүтээсэн богино хэмжээний 66 хүүхэлдэйн киног Youtube-д нэг дор байршуулжээ. Эдгээр бүтээлүүд цөм Оскарын шагнал хүртсэн болон нэр дэвшсэн шилдэг бүтээлүүд юм. Эдний дотор энэ жилийн Академийн шагналд өрсөлдсөн “Амьтдын араншин”, 2007 онд бүтээсэн “Мадам Тутли-Путли, 2007 оны Оскарын шагналт “Дани найрагч” 2013 оны мөнхүү шагналт “Райан” зэрэг гайхалтай хүүхэлдэйн кинонууд багтсан байна. Олон сайхан бүтээлийг нэг дор олж үзэх нь далайн гүнээс сувд шүүрдсэн мэт баяр жаргалтай мэдрэмж билээ. Зарим бүтээлийг шууд үзэхээр орууллаа шүү.
Бүрэн жагсаалтыг эндээс үзээрэй.
"Жорж, Рөүзмэри хоёр", Алдартай уран бүтээлч хосууд болох Алисон Снөүден, Дэвид Файн нарын 1987он бүтээсэн богино хэмжээний анимейшн. Хүсэл тэмүүлэл, хайр дурлал бол зөвхөн залуу насны өмч биш гэдгийг энэхүү бүтээлд илэрхийлжээ.
"Райан" 2013 онд Оскарын шагнал хүртсэн бүтээл. Канадын домогт анимейтор Райан Ларкины амьдралын тухай, уран бүтээлч хүний урлагт дурласан хувиршгүй сэтгэлийн тухай өгүүлэх энэхүү бүтээл олон хүний зүрхэнд хүрсэн билээ.
Канадын анимейшн урлагийн нүүр царай болсон шилдэг бүтээлүүдийн нэг "Дани найрагч". Хувь тавилан, төөрөг заяа хэрхэн хүмүүсийг учруулж бас хагацааж, хүмүүсийн дундаас хүн бий болж, амьдрал үргэлжилсээр байдгийг нэгэн шүлэгчийн амьдралаар өгүүлсэн сэтгэл догдлом түүх.