Домогт тамирчин Коби Брайнт нисдэг тэргийн ослоор амиа алджээ
АНУ-ын сагсан бөмбөгийн түүхэн дэх домогт тамирчдын нэг Коби Брайнтын зорчиж явсан нисдэг тэрэг Калифорнийн Калабасас хотод осолдсон харамсалтай үйл явдал болжээ. Нисдэгт тэрэгт явсан 9 хүн бүгд амиа алдсан бөгөөд тэдний дунд алдарт тамирчин Коби Брайнт, түүний 13 настай охин Жианна нар байсан гэж BBC мэдээллээ.
Осол болсон газрын ойролцоо амьдардаг Гавин Масак "Нисдэг тэрэг өглөө 10.00 цагийн орчимд Лас Вирженест газардсан бөгөөд тухайн үед зорчигчид бүгд эсэн мэнд харагдсан... чимээг нь сонсоход дэлбэрэлт юм шиг санагдаагүй... Тиймээс би дотогшоо орж аавдаа юу болсныг хэлчихээд гараад иртэл толгод дээр саарал утаа харагдсан. Том хар утаа байгаагүй ээ" хэмээн ярьжээ.
Харин TMZ сайтад ярьсан гэрчүүдийн хэлж буйгаар, газардахаас өмнө нисдэг тэргийн хөдөлгүүрт маш их чимээ сонсогдож байсан гэжээ.
Албаны эх сурвалжийн мэдээлснээр, Коби Брайнтын зорчиж явсан нисдэг тэрэг Сикорский S-76 болохыг тогтоожээ. АНУ-ын Автотээврийн аюулгүй байдлын үндэсний зөвлөл одоогоор ослын шалтгааныг мөрдөн шалгаж байгаа аж.#Update Downed aircraft is a helicopter. Flames extinguished. #Malibu deputies at crash site looking for survivors, 4200 blk Las Virgenes Rd #Calabasas #LASD pic.twitter.com/eixLhGhLyE
— LA County Sheriffs (@LASDHQ) January 26, 2020
Эх сурвалж: BBC