Dreamers' Day: "Систем сүйтгэгч" кино ҮНЭГҮЙ гарна
10 сарын 17 буюу энэ бямба гарагт Тэнгис кино теарт Dreamers' Day кино өдөрлөг болох гэж байгаатай холбогдуулан мэдээлэл хүргэж байна.
1. Кино сонирхогч, дурлагч хэн болгонд санал болгох "Dreamers' Day" кино өдөрлөгийн ээн долоо хоногийн үзвэрээр Германы алдартай бүтээл болох "Систем сүйтгэгч" гарах гэж байна.
2. 9 настай огцом ууртай Бенни охин Германы хүүхэд хамгааллын үйлчилгээний бүх хэсгээр аялж буй түүхийг та эндээс үзнэ. Заримдаа элдэв систем, тогтолцоо гэхээсээ илүү хүнд хүнээ гэсэн хайр халамж, тэр хүнийг ойлгох сэтгэл л хэрэгтэй байдаг гэх санааг өгүүлэхийг зорьжээ.
3. 69 дэх удаагийн Берлиний кино наадмаас Мөнгөн баавгайг Альфред Бауэрын нэрэмжит шагналыг хүртсэн бүтээл.
4. Найруулагч Нора Фингшайдын анхны бүрэн хэмжээний уран сайхны кино. Тэрээр өмнө нь таван бэсрэг уран сайхны кино, хоёр баримтат киног хийсэн байдаг.
5. 92 дахь удаагийн Оскарын шагнал гардуулах ёслолоос Герман улсыг төлөөлөн нэр дэвшсэн.
6. 2018 оны Ле Арк Кино Наадмын “Өрнөж буй бүтээл” шагнал хүртсэн.
7. 2019 оны Улаанбаатар олон улсын кино наадмын "Онцлох орон" болох Германы кино үзвэрээр Монголын үзэгчдэд хүрч байсан.
8. Хамгийн гоё нь энэ кино үнэгүй гарна. Тэнгис кино театрт 10 сарын 17-ны 16 цагт уулзацгаая.
Трейлер: