Тесла, SpaceX компаниудын үүсгэн байгуулагч Элон Маск, түүний найз бүсгүй болох Канадын дуучин, ая зохиогч Граймс нар хэдхэн хоногийн өмнө хүүтэй болсон билээ. Тэд шинэ хүндээ X Æ A-12 хэмээх өвөрмөц нэр өгсөн нь цахим ертөнцөд шуугин тарьсан юм. Харин Элон Маск, Граймс хоёр твиттерт хүүгийнхээ нэрний утгыг ингэж тайлбарлажээ.
X - үл мэдэгдэх хувьсагч (математикийн тэгшитгэлийн)
Æ - AI буюу хиймэл оюун ухаан хэмээх үгийн товчлол
A-12 - SR-17 (бидний дуртай нисэх онгоц) -ны анхны загвар. Ямар нэгэн зэвсэг, хамгаалалтгүй ч хурдтай. Тулаанд гайхалтай сайн, хүч хэрэглэдэггүй.
A - миний дуртай дуу болох Archangel-ийн эхний үсэг гэж Граймс жиргэжээ. Харин Элон Маск найз бүсгүйнхээ тайлбарт бяцхан залруулга хийсэн байна. Граймс SR-71 онгоцны нэрийг алдаж бичсэнийг Маск 'эвтэйхэн' залруулжээ.
Холбоотой мэдээлэл: Элон Маск хүүгээ X Æ A-12 гэж нэрлэсэнтэй холбоотой 10 ХӨГЖИЛТЭЙ МИЙМ
