1 мин

Эрдэмтэд хүнд хамгийн их аз жаргал мэдрүүлдэг 10 дууг нэрлэжээ

Б.Саруул 2020.11.12 9 4 3

933

Хөгжим хүний сэтгэл санаа, бүтээмж, хандлага гэхчлэн олон зүйлд нөлөөлдөг. Тэгвэл чухам ямар дуунууд хүнд аз жаргал, таатай байдлыг мэдрүүлдэг юм бол? 

Нидерландын Гронингений Их Сургуулийн мэдрэлийн эмч, доктор Жейкоб Жолиж Их Британийн Алба брэндтэй хамтран 2015 онд нэгэн сонирхолтой судалгаа явуулжээ. Тэрбээр сонгосон багц дуунуудын хэмнэл, үг, аянд задлан шинжилгээ хийх замаар хүнд эерэг, таатай мэдрэмж төрүүлдэг дуунуудыг тодорхойлохыг зорьсон байна. Доктор Жолижийн тайлбарлаж буйгаар аливаа дуу хүнд аз жаргалын мэдрэмж төрүүлэх эсэх нь тухайн хувь хүн,  нийгмийн нөхцөл байдал, хувийн холбоо хамаарлаас (дуутай холбоотой дурсамж, үйл явдал гэх мэт) ихээхэн шалтгаалдаг гэсэн байна.

Гэхдээ эерэг мэдрэмж төрүүлдэг дуунуудад зарим нийтлэг зүйл байгааг тэрбээр онцолсон байна. Тухайлбал, минутанд дунджаар 140-150 удаагийн цохилттой буюу энгийн поп дуунаас илүү хурдан хэмнэлтэй, эерэг үгтэй (сайхан үйл явдал, эерэг, хөгжилтэй сэтгэл хөдлөлийг илэрхийлсэн) байдаг гэжээ. 

Тэрбээр өөрийнхөө тооцоололд үндэслэн хүнд хамгийн их аз жаргал мэдрүүлдэг 10 дууг нэрлэсэн байна.

1.  Don't Stop Me Now (Queen)

2. Dancing Queen (Abba)

3. Good Vibrations (The Beach Boys)

4. Uptown Girl (Billie Joel)

5. Eye of the Tiger (Survivor)

6. I'm a Believer (The Monkees)

7. Girls Just Wanna Have Fun (Cyndi Lauper)

8. Livin' on a Prayer (Jon Bon Jovi)

9. I Will Survive (Gloria Gaynor)

10. Walking on Sunshine (Katrina & The Waves)

Холбоотой мэдээлэл: Хөгжим сонсонгоо бүтээмжтэй ажиллахыг хүсдэг хүмүүсийн баримтлах 6 зарчим

Сэтгэл гутралд автсан хүмүүс яагаад гунигтай хөгжим сонсох дуртай байдаг вэ?

Б.Саруул 2020.11.12

933