1 мин

Ердөө 130 доллараар бүтсэн зул сарын сурталчилгаа сошиал ертөнцийг байлдан дагуулж байна

Б.Саруул 2019.12.05

Зул сарын баяр бүрээр томоохон компани, алдартай брэндүүд баярын мэндчилгээ, сурталчилгаандаа онцгой анхаарал хандуулж, гар таталгүй мөнгө төсөвлөдөг. Тэгвэл энэ жил нэгэн гэр бүлийн 130 долларт багтаан хийсэн Зул сарын сурталчилгаа дэлхий нийтийг байлдан дагуулж байна.

Том Жонс Их Британийн Рхайдер хотод амьдардаг бөгөөд Haford Hardware дэлгүүрийг гэр бүлээрээ ажиллуулдаг аж. Тэрбээр сүүлийн гурван жил Зул сарын баярын сурталчилгаа хийж цацаж байгаа гэнэ. Энэ жилийн сурталчилгаанд түүний хоёр настай хүү Артур тогложээ.

Өнгөрсөн ням гарагт цацагдсан уг сурталчилгааг YouTube-т 276,434 удаа, фэйсбүүкт 125,934 удаа, твиттерт 120,800 удаа үзэж, тус бүр хэдэн мянган лайк, RT, шэйртэй болоод байна.

Жонс нэгэн найзтайгаа хамтран баярын сурталчилгааг нэг өдрийн дотор бүтээсэн бөгөөд дуу бичлэгийн студи, дууны инженерийн хөлсөнд 130 долларыг зарцуулжээ. Өөрөөр ямар нэгэн зардал гараагүй гэж тэрбээр ярьсан байна.

Эх сурвалж: CNN