Эрлэгийн элчийн хувцас өмссөн эрэгтэй наран шарлагын газраар явж хүмүүсийг гэртээ байхыг уриалж байна
АНУ-д коронавирусийн халдварын тохиолдол 2.9 сая даваад байна. Хэдийгээр халдварын тархалт буураагүй байгаа ч мужууд эхнээсээ хөл хориог сулруулж, үйлчилгээний газруудыг нээхийг зөвшөөрч байгаад зарим иргэд шүүмжлэлтэй хандаж байгаа аж.
Тэдний нэг болох Флорида мужид хуульчаар ажилладаг Даниел Ульфелдер оршин суугчдыг халдварт өвчнөөс сэргийлэхийн тулд тавдугаар сарын 1-ээс хойш наран шарлагын газруудаар тасралтгүй явжээ. Тэрбээр эрлэгийн элчийн хар хувцас өмсөн, хадуур барьж наран шарлагын газарт ирсэн иргэдийг гэртээ байхыг, маск зүүхийг уриалж байгаа гэнэ.
Many of you have asked if I am willing to travel around Florida wearing Grim Reaper attire to the beaches and other areas of the state opening up prematurely. The answer is absolutely yes. Beginning May 1 we will hit the road here in state. Please retweet and spread the word. pic.twitter.com/UO7QKg161n
— Daniel Uhlfelder (@DWUhlfelderLaw) April 22, 2020
Түүнчлэн орон нутгийн удирдлагууд Флорида мужийн хүн ам шигүү суурьшсан бүсүүдэд маск зүүхийг албан ёсоор шаардах ёстой гэж үзэж байгаагаа тэрбээр илэрхийлжээ. "Зарим газар Ковид-19 өвчний тохиолдол олноороо бүртгэгдэж байхад зарим бүсэд халдварын тохиолдол харьцангуй цөөн байна. Тийм учраас мужийн удирдлагууд бүс нутагт бүрд тохирсон, оновчтой алхмуудыг хэрэгжүүлэх нь чухал байгаа юм. Тухайлбал, Майами-Дейд гэх мэт газруудад зайлшгүй маск зүүхийг шаардах ёстой. Харин 50-аас цөөн халдварын тохиолдол бүртгэгдсэн Флорида мужийн бусад 20 газар ингэх шаардлагагүй" гэж Даниел Ульфелдер ярьжээ.
Florida attorney Daniel Uhlfelder has sued Governor DeSantis for prematurely opening beaches. He says "there's been a lack of leadership" in the state, and visits beaches dressed as the Grim Reaper to warn beachgoers to stay home.https://t.co/4CRVAUkyLH pic.twitter.com/r4xVl5f77u
— CNN Newsroom (@CNNnewsroom) July 6, 2020
Тэрбээр олон нийтийн шүүмжлэлийг үл хайхран, хүмүүст анхааруулга, сэрэмжлүүлэг хүргэх аялалаа үргэлжлүүлсээр байгаа аж.
Долоодугаар сарын 6-ны байдлаар Флорида мужид коронавирусийн 206,447 тохиолдол бүртгэгдэж, 3,778 хүн амиа алджээ.
Эх сурвалж: CNN