"Тавин янз саарал" ном болон кинонд дуртай хүмүүс нэлээд бий. Монгол хэл дээр орчуулагдан гарсан цагаас хойш "Бүрэнхий" зохиолын фэнфикшн болсон уг зохиол манай улсад бүр ч их хүрээг хамарч, мэддэггүй хүн бараг байхгүй болсон гэж хэлж болно. Дээрээс нь Weeknd, Beyonce зэрэг дуучдын дажгүй дуунууд байна.
Хэрэв та тус номыг уншсан бол Э.Л.Жэймсийн шинээр гаргахааэ зарласан энэ ном таны сонирхлыг мөн татах нь мэдээж.
"The Mister" дөрөвдүгээр сарын 16-нд дэлхий даяар зарагдаж эхлэх болно. Мөн уг номын гол дүр нь мөн л баян чинээлэг эр байх бөгөөд Жэймс номынхоо тухай, "Энэ бол 21-р зууны үнсгэлжийн түүх" хэмээн хэлсэн байна.
Зохиолын гол дүрийн залууг Максим Тревелиан гэх бөгөөд түүний хайрыг булаасан бүсгүйн нэрийг Алессия Демачи гэдэг байна. Мөн номыг "Аюул болон хүсэл тачаалын замаар галзуу хулгана мэт давхиж, уншиж буй хүнд сүүлчийн хуудас хүртэл амьсгал авах завдал өгөхгүй" хэмээн тодорхойлоод байгаа аж.
