Фокус влог: Улс төр бол +18
+18 гэхээр таны санаанд хамгийн түрүүнд ямар бодол орж ирдэг вэ? Ublife сайт "Фокус" влогийнхоо шинэ дугаарт насанд хүрсэн хүн бүрт хамаатай эрхийг хөндлөө. Залуучууд өөрсдийгөө зөвхөн "сонгогч" гэдгээр харж, намууд ч залуу хүнийг "нэг санал" хэмээн "харьцаж" ирсэн. Тэгвэл залуус өөрсдөө сонгогдож, өөрийнхөө асуудлыг шийдвэрлэхэд идэвхтэй гар бие оролцох эрхтэйг энэ дугаарт хөндсөн юм.
Удахгүй болох орон нутгийн сонгууль хоёр зүйлээр онцлог. Нэгт, энэ жилээс эхлээд ИТХ-ын төлөөлөгчид нэр дэвших хүний насны доод хязгаар 18 болж өөрчлөгдсөн (өмнө нь 25 нас байсан). Хоёрт, өмнөх сонгуулиудад сонгогчдын 50 хувь нь саналаа өгснөөр тухайн сонгууль хүчинтэй болдог байсан бол энэ удаа уг босго байхгүй болжээ. Өөрөөр хэлбэл, саналаа өгсөн сонгогчийн тоогоор сонгуулийн үр дүн гарах нь ээ. Энэ мэт чухал сэдвүүдийг хөндсөн "Фокус" влогийн шинэ дугаарыг хүлээнэ авна уу.
Холбоотой мэдээлэл: Фокус влог: Улс төр Монголд хөгжихийн төлөө