ФОТО: Трампыг үдэж, Байденыг угтаж буй америкчууд
АНУ-ын 46 дахь ерөнхийлөгчөөр Ардчилсан намаас нэр дэвшсэн Жо Байден сонгогдлоо. Тэрбээр АНУ-ын түүхэнд хамгийн олон хүний саналыг авч сонгогдсон, мөн хамгийн өндөр настайдаа тангараг өргөх ерөнхийлөгч болж байна. Харин дэд ерөнхийлөгчөөр сонгогдсон Камала Харрис АНУ-ын түүхэнд анхны эмэгтэй, анхны Африк-Ази гаралтай дэд ерөнхийлөгч боллоо.
Байден төрөлх муж Делаверийн Уилмингтон хотоос ялалтын үгээ хэлэхдээ "Өнөөдөр сэтгэл дундуур байгаа хүмүүсийг ойлгож байна. Би ч бас хэд хэдэн удаа ялагдаж байсан. Гэвч одоо бие биедээ боломж олгоцгооё. Ард түмэн эвлэлдэн нэгдэж, эдгэрэх цаг ирлээ” хэмээсэн юм.
Харин Камала Харрис "Би анхны эмэгтэй дэд ерөнхийлөгч байж болох ч сүүлийнх нь биш юм. Учир нь, Америк бол боломжоор дүүрэн орон гэдгийг өнөөдөр биднийг үзэж буй бяцхан охид харлаа" гэжээ.
Санал хураалтын урьдчилсан дүн гарсны дараа улс даяар Байдены дэмжигчид гудамжинд гарч ялалтаа тэмдэглэжээ.
Эх сурвалж: CNN