Гадаадад сурахад хэрэгтэй бүх мэдээллийг багтаасан "TomYo" аппликейшн хэрэглээнд нэвтэрчээ
Өнгөрсөн долоо хоногт технологийн салбарт нэгэн шинэ стартап мэндэлсэн нь “TomYo” аппликейшн байв. Монгол залуусын хөгжүүлсэн “TomYo” апп нь гадаадад сурах, дэлхийн боловсрол эзэмших боломжийг хүн бүрт хүртээмжтэй олгох зорилготой аж.
Тус аппликейшнээс хэрэглэгчид гадаадад сурахад хэрэгтэй бүх мэдээллийг авах боломжтой бөгөөд мэдээллийн сан нь өдөр бүр шинэчлэгдэж, нэмэгддэг байна. Одоогийн байдлаар та тус аппликейшныг хэрэглэснээр гадаад хэлний түвшин нэмэгдүүлэх, тэтгэлэгт тэнцэх арга замыг зааж өгөх хичээлүүдийг үзэх боломжтой. Англи, япон, герман, солонгос хэлний анхан, дунд шатны хичээл болон академик шалгалтын зөвлөгөө бий.
Сорил 30,000+ хэсэгт гадаад хэлний түвшин бүрийн мөн TOEFL, IELTS зэрэг шалгалтын жишиг даалгавруудыг хийж болох бол ментор: 100+ хэсэгт мэдлэг, туршлагатай менторуудаас гадаадад сурах, тэтгэлэг авах талаар текст болон видео дуудлагаар зөвлөгөө аваарай.
Мөн асуулт: 5,000+ хэсэгт гадаад орны соёл урлаг, түүхийг судлах боломжтой ба мэдээллийн сан: 500+ хэсэгт тэтгэлгийн тухай мэдээлэл авч болно.
“TomYo” аппликейшны мэдээллийг мэргэжлийн багш нартай хамтран бэлтгэхээс гадна гадаадад сурдаг, сурч байсан залуус туршлагаа хуваалцаж, ментор хийж, зөвлөгөө өгөх боломжтой. Уг аппликейшныг tomyo.mn сайтруу орж, зааврын дагуу татаарай.