Хаа сайгүй зүрхэн шоколад, цэцэг барьсан залуус гүйлдсэн Валентины баяр айсуй. Харин ганц биечүүдийн хувьд бол нүдээ аниад өнгөрөөх өдөр. Гэхдээ хажуудаа хосгүй байлаа гээд хорвоод хосгүй нэгэн биш гэсэн үг биш. Ганц биечүүд ч баярын өдрөө хөгжилтэй өнгөрөөх хэрэгтэй биш гэж үү?
1. Өөрийгөө эрхлүүл
![](https://ublife-cdn-files.sgp1.cdn.digitaloceanspaces.com/files/55/bbd8294a2dde1a3f4c7d0a661c8a5035.gif)
Хүн болгон л бусдад хайраа илэрхийлж байхад өөрийгөө хайрлах хэрэгтэй биз дээ? Бусдыг чин сэтгэлээсээ хайрлаж чаддаг хүн өөрийгөө хайрладаг, хүндэлдэг нэгэн байдаг. Өнөөдөр ажлаа эрт амжуулаад зөвхөн өөртөө цаг гарган, дуртай зүйлээ хийгээрэй.
2. Айдсаа давах
![](https://ublife-cdn-files.sgp1.cdn.digitaloceanspaces.com/files/55/b6441837fb8cc7cb809d76db34aa8238.gif)
Өнөөдрийг хурдан дуусгахыг хүсэхгүй байвал, өмнө нь хийх гээд зүрхэлдэггүй байсан зүйлээ хийхэд цаг гаргаарай. Сайн залуудаа сэтгэлээ илчлэх, ганцаараа хооллох гээд юу ч байж болно. Гол нь айдсаа даван туулж өөртөө урам зориг өгөх ёстойгоо санаарай.
3. Шинэ зүйлийг турших.
![](https://ublife-cdn-files.sgp1.cdn.digitaloceanspaces.com/files/55/5f54a3316c076ff1f949b82e78047028.gif)
Йогоор хичээллэнэ гэж бодсон ч чадаагүй л байна уу? Гэртээ бялуу хийх юмсан гэж бодсоор олон жил өнгөрсөн үү? Тэгвэл өнөөдөр хамгийн тохиромжтой өдөр. Шинэ зүйл эхлэх үргэлж цоо шинэ эрч хүч бэлэглэдэг.
4. Бусдад бэлэг өгөх
![](https://ublife-cdn-files.sgp1.cdn.digitaloceanspaces.com/files/55/a50b6aeab782c44f0c5f27b69fb32a75.gif)
Заавал сэтгэлтэй хүндээ биш, өөрийн хүндэлж хайрлаж явдаг хүндээ бэлэг өгч баярлуулж яагаад болохгүй гэж? Ажлынхандаа бяцхан бэлэг барих, сэтгэлээ гарган шоколад хайлуулаад өөрийн таньдаг хамгийн дажгүй залуудаа “Ганц биечүүдийн өдрийн мэнд” гээд өгөөрэй. Өгөх нь авахаасаа ерөөлтэй гэдэг шүү дээ.
5. Нууцхан Валентины баяр тэмдэглэх
![](https://ublife-cdn-files.sgp1.cdn.digitaloceanspaces.com/files/55/b300589b6e578bfa14bdbf8407197f4a.gif)
Ганц бие охид, залуусаараа цуглаад бие биенийхээ “Нууцлаг Валентин” болж бэлэг солилцоорой. Сайхан найзууд байхад маргааш хайрын баяраа тэмдэглэж байгаа хосуудыг шохоорхон харах хэрэг гарахгүй.
6. Гэр бүлийн хайрын баяр тэмдэглэх
![](https://ublife-cdn-files.sgp1.cdn.digitaloceanspaces.com/files/55/af7e1cd2f9997d8ea1264daa7b6e7c5e.gif)
Ер нь энэ өдрийг зөвхөн хостойгоо өнгөрүүлэх ёстой гэж хэн хэлсэн билээ? Гэр бүлийнхэнтэйгээ цагийг өнгөрүүлж, сайхан оройн зоог барихад буруудах зүйл огтхон ч байхгүй. Гэр бүлийнхэнтэйгээ хайрын баярыг тэмдэглэж, инээд хөөрөөр дүүрэн өдрийг өнгөрүүлээрэй.
7. “Хайр гэж юу вэ?” бодлоо бичих
![](https://ublife-cdn-files.sgp1.cdn.digitaloceanspaces.com/files/55/3b9747ddb6e02654439c09aa6f9f51a3.gif)
Хайрыг үнэхээр хүсэж байгаа ч зөв нэгнийг олоогүй явна уу? Эсвэл зүгээр л хэн нэгнийг хайрлахад арай эрт байна гэж боддог уу? Өнгөрөн одсон цаг хугацаанд хайр зүрх сэтгэлийг тань өвтгөж байсан бол магадгүй бүхнийг уучлах цаг болсон. Харин ирээдүйн тухай сайхнаар бодон өөрийн хайрлах нэгнийг ямар байгаасай, таны ямар зан чанарт дурлаасай гэж хүсэж байна зэргээр хайрыг дотроо зураглаарай. Хангалттай сайн бодож чадвал биелдэг гэдэг шүү дээ.
Эцэст нь, өдөр бүрийг өөрийгөө ч, бусдыг ч хайрлахын төлөө зориулаарай.
![](https://ublife-cdn-files.sgp1.cdn.digitaloceanspaces.com/files/55/4fc66c2b4907fdbe48aacfac89686420.gif)