Дэлхийн шилдэг хэвлэлүүдийн нэг Нью-Йорк Таймсын Монгол дахь хамтрагч “Анлимитэд медиа групп” ХХК нь тус сонинтой хамтарсан гурав дахь дугаар болох “Turning Points-2020”-ийг эрхлэн гаргаж байна. Жилд ганц удаа буюу хоёр оны зааг дээрээс ирэх жилийн дэлхий дахины гол үйл явдлууд, салбар бүрийн онцлог, чиг хандлагыг олон улсад хүлээн зөвшөөрөгдсөн авторууд нийтлэн бичдэгээрээ “Turning Points” нь онцгой брэнд юм. Энэ удаад бизнесмэн Жэк Ма, нэрт найруулагч Даррэн Аронофски, зохиолч Саяака Турата, Болливудын жүжигчин Дийпика Падуконэ тэргүүтэй авторууд 2020 оны өнгө төрхийг зураглажээ.
“Turning Points” нь дэлхийн 20 гаруй оронд хэвлэгддэг бөгөөд 2020 онд бид тус дугаарыг эрхлэн гаргаж буй 23 дахь улс болж байна. “Гэрэг” сэтгүүлтэй хамтарсан уг дугаарт дэлхийн шилдэг 23 нийтлэл, улс орнуудын мэдээлэл бүхий альманах болон Монголын улс төр, нийгмийн амьдралын тойм ба урлаг, спортын онцлох мэдээллүүд багтсан.
Сэтгүүл нь 2020 оны хоёрдугаар сарын 14-нөөс худалдаанд гарах бөгөөд энэ удаад бид урьдчилсан захиалга авч уншигчдадаа хүргэж өгөх болсноо дуулгахад таатай байна.
Та “Гэрэг” сэтгүүлийн Нью-Йорк Таймстай хамтарсан “Turning Points-2020” дугаарыг захиалах бол энд дарж захиалгын хуудас бөглөөрэй.
