"Ghibli"-гийн CGI ашигласан "Earwig and the Witch" анимейшны трейлер гарлаа
2011 онд "From Up on Poppy Hill" анимейшныг гаргасан цагаасаа хойш дахин уран бүтээлээ туурвиагүй удсан Горо Миязаки "Earwig and the Witch" хэмээх шинэ анимейшн дээр ажиллаад удаж байгаа билээ.
Хүн болгоны төсөөлж байснаас өөр нэгэн явдал тохиолдсон нь энэ шинэ кино Ghibli студийн анхны 3D технологиор бүтээсэн бүрэн хэмжээний анимейшн болж таарлаа. Хүмүүс үүнээс болж хоёр хэсэг хуваагдаад байна.
"Ghibli"-гийн шилдэг, дурсамж дүүрэн бүтээлүүд бүгд гараар зурж бүтсэн байдаг. Шүтэн бишрэгчид дахиад тийм бүтээл харна хэмээн найдаж байсан ч эсрэгээрээ компьютер график ашигласан анимейшн гарахаар болжээ.
Тус бүтээл энэ оны 12 сарын 30-нд Японы телевизийн сувгаар цацагдана. Хойд Америкт ирэх оны эхээр цацагдах бөгөөд бусад улс орнуудад хэзээ, яаж гарах нь тодорхойгүй байна.
Трейлерийг эндээс үзнэ үү: