Хайх зүйлээ бичнэ үү

1 мин

Өнөөдрийн зурвас: Би чамд...

Хайртай.


Сэтгэл хөдлөл бүхний эцсийн зогсоол тайвшрал байх ийм амьдралыг бүтээх аялалд хамтдаа зориглосонд талархнам. Зуугийн тал руу зүс, нас дөхөвч хүний хүсэл мөрөөдөл бүхэнд өөрийнх юм шиг гэгэлзэн итгэдэг тэнэг хэвээр минь хадгалж яваад чинь баярлалаа. Үнэн илүүгүй, дутуу ч үгүй, гял цалгүй, нэмэр хачиргүй хүйтэн байдагт дасгаж буй дулаан ээл тавиландаа гялайлаа. Надтай амьдрах гэж энэ өдөр мэндэлсэнд чинь баяр хүргэе. 

Үгээ залгин чимээгүй ялагдах гэдгийг үзээ ч үгүй бардам явахад үнэн ихэвчлэн үггүй, чимээгүй үргэлжилж болдгийг сургах гэж таарсан харгис хүн. Үрс эрүүл энх, эрх дураараа, инээн наадаж байвал түүнээс төгс жаргал, амар амгалан үгүйг мэдрүүлэх гэж учирсан хахир хүн. Хайр дурлал бол үзэсгэлэнт даашинз, алмазан бөгж, аварга том баглаа цэцэг юм гэх төсөөллийг цэцэрлэг, сургууль, дугуйлангийн төлбөр төлсөн баримтаар сольж өгсөн харамч хүн. Буруу шийдвэр, алдаа эндэгдэл, энэлэн шаналандаа эзэн нь байх гэж зүтгэсэн, цөхөрч ягтсан өдрүүдийг харцаа нуун туулагч хөндий хүн. 

Ээжийгээ санан хоосроход дүүргэчих санаатай тэвддэг асрагч минь. Өөрийгөө голон үгүйсгэхэд итгүүлэн сэнхрүүлэх гэж ятгадаг худалч минь дээ. Өвдөхлөөр 13-ын А маягтын араас үүр цүүрээр үглэн босгож, эмч эмнэлэг дагуулаад гүйчихдэг бичиг баримт хөөцөлдөгч гуай. Зүүдлэхдээ хүртэл надад ямар нэг зүйлийг ойлгуулчих гээд байдгаараа хичээчихсэн үглэж байдаг мангар аа. Би чамд хайртай. 

холбоотой мэдээ
1
2020.10.15
Өнөөдрийн зурвас: Өөрөөс эхлэх хот
2
2020.10.13
Өнөөдрийн зурвас: Чиний хөх ямар вэ?
3
2020.10.09
Өнөөдрийн зурвас: 7001 дэх өдрийн мэнд
санал болгох
1
15 цагийн өмнө
"Voice" шоуны шилдэг оролцогчид хөвгүүдийн цоо шинэ хамтлаг байгууллаа
2
16 цагийн өмнө
"UBIFF" эхэлж, кино урлагаар амьсгалах долоо хоног Улаанбаатар хотод ирлээ
3
22 цагийн өмнө
Төв, Өвөрхангай, Архангай аймгийн замын зорчих хэсэг халтиргаатай байна

Энэ мэдээнд өгөх таны сэтгэгдэл?
1
0
25
0
0
0
0
0

Сэтгэгдэл бичих (2)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

HUlan 2020.09.25 172.69.45.135

Зүүдлэхдээ хүртэл надад ямар нэг зүйлийг ойлгуулчих гээд байдгаараа хичээчихсэн үглэж байдаг мангар аа.

0 Хариулах


Soko 2020.09.25 172.69.45.135

''үнэн ихэвчлэн үггүй, чимээгүй үргэлжилж болдог" gej goe ug bna shu :)

0 Хариулах