1 мин

Инстаграмын хэрэглэгчид тасралтгүй 4 цагийн турш лайв хийх боломжтой болно

Б.Саруул 2020.10.28

Инстаграм видео хөгжүүлэлтийн хүрээнд шинэчлэлүүд хийсээр байна. Тодруулбал, шууд дамжуулалт буюу лайв хийх хугацаа нэмэгдэж, хадгалж авах нь илүү хялбар болж байгаа аж. Өмнө нь Инстаграмд дээд талын нэг цагийн турш лайв хийдэг байсан бол удахгүй бүх хэрэглэгчид дөрвөн цагийн турш тасралтгүй лайв хийх боломжтой болох гэнэ.

Инстаграмын хэрэглэгчид урьд нь хувийн архиваасаа зөвхөн пост, сторигоо эргэж харах боломжтой байсан бол удахгүй нэвтрэх шинэчлэлээр лайв бичлэгээ цацагдсанаас хойш 30 хоногийн дотор эргэж үзэх, татаж авах, өөр газар постлох боломжтой болно гэжээ. Түүнчлэн IGTV-ийн хэсэгт Live Now цэс нэмэгдэж, хэрэглэгчид тухайн мөчид цацагдаж буй шууд бичлэгүүдийг нэг дороос харах боломж бүрдэж байна.

Холбоотой мэдээлэл: Фэйсбүүк, Инстаграмын чатаа нэгтгэвэл юу болох вэ?

Эх сурвалж: The Verge