1 мин

iOS 14.2: Шинээр 100 гаруй эможи нэмэгдлээ

Ub.life 2020.11.06 53 19 13

172

Apple компани iOS 14.2 программын шинэчлэлээ танилцууллаа. Энэ удаа аюулгүй байдалтай холбогдолтой хэдэн шинэчлэл хийж, програмын зарим алдааг засчээ. Мөн хэрэглэгчдийн хамгийн их хүлээж байсан эможинууд нэмэгдсэн байна. 

"Хуруугаараа чимхэж" буй дүрс, нулимстай инээд, хоол хүнс, амьтад гээд нийт 117 эможи шинээр хэрэглээнд нэвтэрлээ. Мөн арьс өнгө, бэлгийн болон хүйсийн чиг хандлагын хувьд төвийг сахисан утгыг илэрхийлэх эможинуудыг нэмж буйгаар онцлог аж. 

iOS 14.2 программын шинэчлэлд багтсан бусад өөрчлөлтөөс дурдвал:

• Харааны бэрхшээлтэй хэрэглэгчдэд зориулж ойр хавьд нь хүн байгаа эсэх, байгаа бол хэр зайтай байгааг тодорхойлох боломжтой болжээ. Цар тахлын үед бусадтай зайгаа барихад ч үүнийг ашиглах боломжтой аж. 
• Найман төрлийн дэлгэцний шинэ зураг
• Чихэвчний дуугаралт сонсголд нөлөөлөхүйц, хэт чанга байгааг сануулах тохиргоо
• Shazam-ийг Control Center-ийн хэсэгт нэмэх боломжтой болсон гэх мэт.

Холбоотой мэдээлэл: 2021 онд шинээр 200 гаруй ЭМОЖИ нэмэгдэнэ

Шинэ эможин утгыг тайлбарлах "хэлэлцүүлэг" сошиал медиад өрнөж байна

Эх сурвалж: Tech Crunch

Ub.life 2020.11.06

172