1 мин

Ирэх сард шатахуун, дизель түлшний үнэ литр тутамд 200 төгрөгөөр буурна

Э.Намуун 2020.03.19

19

Дэлхийн зах зээл дэх ханшийн уналттай уялдуулан Монгол Улсад дотоодод шатахууны үнэ буурах нөхцөл үүссэн талаар УУХҮ-ийн сайд Д.Сумъяабазар болон албаныхан мэдээлэл өглөө.

УУХҮ-ийн сайд Д.Сумъяабазар "Өчигдрөөс эхлээд шатах тослох материалын үнэ 50-100 төгрөгөөр бууж эхэлсэн. Цаашид дөрөвдүгээр сарын 15-наас шатахууны үнийг литр тутамдаа 200 төгрөгөөр буух боломжтой боллоо.

Дэлхийн зах зээл дээр нефтийн үнийг оны эхэн үед 64-65 ам.доллараар тооцож байсан бол шат дараалалтайгаар буурч, өнөөдрийн байдлаар 28-22 ам.доллар руу ороод ирсэн. Түүхий тосны үнэ 22 ам.доллар, бүтээгдэхүүний үнэ 26 ам.долларт ирээд байгаа. Энэ нь дэлхийн зах зээлийн шатахууны хамгийн доод үнэ гэж хэлж болно. Дэлхийн зах зээлийн шатахууны үнэ ханш буурсан ч манай улсад үнийн өсөлт, бууралт сарын хоцрогдолтой орж ирдэг. Тийм учраас дөрөвдүгээр сарын 15 буюу сарын дараа нэг литр шатахууны үнэ 200 төгрөгөөр бууж орж ирнэ гэж ойлгож болно. Одоогийн байдлаар 50-100 төгрөгөөр хэлбэлзэж, бууж ирж байна" гэлээ.

Э.Намуун 2020.03.19

19