1 мин

Жо Байдений нууц албаны дарга "Ази Жэймс Бонд" гэгдэж байна

Г.Сүрэн 2021.01.22

АНУ-ын 46-р Ерөнхийлөгч Жо Байдений тангараг өргөх ёслолын үеэр Ерөнхийлөгчийн Нууц Албаны дарга, ази-америк гаралтай Дэвид Чо олны хайр анхаарлыг татан, "Ази Жэймс Бонд" гэгдээд байна. Энэ удаагийн ёслолоор АНУ-ын түүхэнд анх удаа өнгөт арьст дэд ерөнхийлөгч сонгогдож, Камала Харрис үүрэгт ажлаа хүлээн авсан. Тэгвэл нууц албаны даргаар солонгос хүн ажиллаж буй нь ч анхны тохиолдол юм.

Цахим сүлжээнд энэ тухай иргэд баяртай хүлээн авч, сүүлийн жилүүдэд хурцдаад байсан Өмнөд Солонгос, Америкийн харилцаанд таатай уур амьсгал оруулж байна гэж үзжээ.

Ази-америк нууц албаны залуу тангараг өргөх ёслолын үеэр Ерөнхийлөгч Жо Байденийг хамгаалж буй нь бахархам байлаа!

Байдений ази-америк нууц албаны даргыг Жэймс Бонд гэж нэрлэцгээе.

Өнөө өглөө олон онцгой төрх харсандаа баяртай байна. Ялангуяа Ази нууц албаны дарга Дэвид Чо! Түүний тухай адал явдалт кино үзэж болох уу?

Түүнээс харцаа салгаж чадахгүй нь ээ! Нэр нь Дэвид Чо гэсэн үү? Үнэхээр царайлаг, күүл юм аа...

Нууц албанд эмэгтэй хүн байдаг болов уу? Ази залуу Ерөнхийлөгчийг хамгаалж буйг хараад ингэж бодлоо. Дэлхий ийм өргөн цар хүрээтэй болж буй нь хайр татам юм.